繼發展局前政治助理何建宗因被揭漏報利益自行辭職後，勞工及福利局政治助理莫宜端亦以照顧家庭為由提出請辭。問責官員相繼請辭，怎不令人聯想起係同政治氣候太差有關？現屆政府民望低，做事動輒得咎，施政舉步維艱，發展局局長陳茂波被揭太太同外家喺新界東北有農地後，政府又收緊咗利益申報機制。喺咁嘅環境下，問責官員就算原本有幾大抱負都打殘啦。莫宜端決定返屋企湊仔，比留喺隻漏緊水嘅爛船有意義得多。唔知除咗佢哋兩個，仲會唔會有人跳船呢？
