續任1年 超「六六規定」
點解繼醫院管理局及市區重建局之後，貿發局又係咁呢？聽聞原來一切皆因唐營傾唔掂數後，為免加重彼此嘅矛盾，CY以不變應萬變，搵蘇澤光做多一年。
港府有不成文嘅「六六規定」，即一位社會人士最多只可出任六項公職，而出任同一公職嘅年期以六年為限。但點解港府尋日公布委任貿發局主席一事上，又會揀會超標嘅蘇澤光呢？有政界人士透露，CY本來諗住搵中立或屬唐營之人擔任，點知唐營內部都爭崩頭。CY為減少彼此嘅紛爭，多一事不如少一事，蘇澤光留任就係最好嘅選擇。
蘇澤光續任一年，人選問題可以稍遲至決定，唔知明年情況會唔會好啲呢？