政情：公民講場：消防布天眼 處長醜行盡現

本報尋日報道消防處企圖「借屍還魂」，重新計劃喺近千架消防車及救護車安裝合共四千多個俗稱「天眼」嘅攝錄鏡頭，一撻車匙就自動周街影。消防處美其名就話啲錄影片段係用作協助調查交通意外原因，又或作訓練駕駛人員教材之用，但外界就批評消防處侵犯市民私隱。早前我哋曾踢爆消防處處長陳楚鑫懶理形象，在街頭吸煙及無視交通規則亂咁過馬路，如果將來啲「天眼」影到處長亂過馬路嘅違例行為，唔知該處會否主動將影片做證據向警方舉報呢？