平台僭建多年 屋宇署冇跟進

屋宇署發言人證實，該署早於○六年已向有關業主就上址僭建情況發出警告通知，並將警告通知送交土地註冊處註冊（俗稱釘契）。發言人又指，有關平台僭建物屬於現行執法政策中的優先取締類別，該署會按程序向業主發出清拆命令，並已發信敦促業主自行安排清拆僭建物。

「淨係出封信叫做嘢」

「七年前已經知道有僭建，點解一路都冇行動？淨係出咗封信就叫做咗嘢，唔怪得仲有咁多人僭建啦！」陳小姐不滿屋宇署早已知悉問題卻遲遲未有主動執法，要待市民向傳媒投訴始作跟進，認為當局的處事方法不能接受，更有變相縱容違例者之嫌。