政情：公民講場：漏報利益寬己嚴人 湯家驊無恥

發展局局長陳茂波喺新界東北發展計劃涉嫌利益衝突事件，成為泛民主派攻擊政府嘅具殺傷力彈藥。班泛民立法會議員對陳茂波窮追猛打就預咗喇，但大家有冇發現點解少咗白鴿黨何俊仁（鐵頭仁）出來鬧埋一份呢？莫非佢有自知之明，知道自己早前都喺立法會漏報公司董事利益，所以依家鴉雀無聲？不過，公民黨湯家驊亦曾被揭發一直漏報持有多間本港及海外公司嘅股份利益，同鐵頭仁一樣試過漏報利益，但佢如今當冇事照樣出嚟批評陳茂波單嘢，究竟佢係失憶唔記得咗自己嘅漏報醜聞吖？定係寬己嚴人，持雙重標準呢？