政情：公民講場：茂波周身蟻 高官行會頻撲補鑊

發展局局長陳茂波喺新界東北發展計劃涉嫌利益衝突事件愈描愈黑，港府高官及行政會議成員見勢色唔對，急急喺尋日補充申報利益，企圖博亂補鑊。其中教育局局長吳克儉就「自我引爆」，承認因為疏忽，漏報一間已停止運作的顧問公司一年；而行會成員張學明則首次詳列在新界擁有五幅土地，有意在農地風波下撇除公眾對其有瓜田李下嫌疑嘅印象。如果真係咁驚嘅話，點解唔喺上任時一次過詳盡申報呢？否則就唔使搞到咁頻撲啦！