政情：有相為證：三百蚊買二手雪櫃 李梓敬解困

早前我哋講過出名疊水嘅自由黨，所屬青年團嘅支部辦事處聲稱連雪櫃都買唔起，搞到要由青年團主席李梓敬喺網上四處張羅，睇吓有冇好心人出讓二手雪櫃。只係一至兩個星期時間，近日就遇啱有戶人家搬屋，聲言可以將個舊雪櫃以三百元出售，早幾日李梓敬就同個拍檔上門收購雪櫃，見佢哋身水身汗喺街上用木板車推住個雪櫃，都咪話唔辛苦。