政情：行會審查 陳智思：嚴過前朝

Bernard以自己為例，當行會傾到呢個議題時，連佢因為有間公司做物業投資，都要申報，秘書處亦因此而提醒佢，話呢間公司唔係完全冇機會收受到利益喎。而當特首每次傾到新議題時，都先要班成員利益申報，問清楚大家同有關議題有咩特別關係，同時喺討論中途，秘書處又會再確認大家係咪全部將利益申報妥當。

至於品格審查方面，Bernard就話上屆政府只係官員需要做品格審查，但今屆政府就要求唔單止行會成員要審查，就連直系親屬都審查埋，就以佢為例，當局做審查時會問佢班兄弟姊妹讀邊間大學，喺邊到畢業都要申報，佢當時第一個反應就係「點樣搵畀你呀？」所以話特首係「有殺錯冇放過」，原來係真嘅。