政情：有相為證：「並駕違泊」立會 葉國謙死撐

行管會成員 嚴人寬己

不過仍然有議員喺立法會雙泊，尋日所見，竟然係行管會委員之一、建制派嘅葉國謙。葉國謙嘅兩架私家車都掛有中港車牌，一架泊喺議員專用車位，另一架就泊喺訪客車位。

• 放大圖片

葉國謙解釋，由於佢其中一架車尋日突然壞咗，於是佢就叫司機將另外一架車揸去立法會，再將壞咗架車送去車房維修，死撐話兩架車同時喺立法會停車場嘅時間只有兩至三個鐘。佢又話，立法會停車場係為議員服務，認為自己嘅做法完全無問題，竟然非常理直氣壯。唔知呢啲係咪就係叫「律己以寬，待人以嚴」呢？