小販市場聚賭 食環睇唔到
小販市場聚賭成風，食物環境衞生署竟稱「冇發現」！深水埗街坊劉先生指出，欽州街小販市場上落貨區一帶常有人聚賭，「我喺樓上望落嚟，由朝到晚都見有堆人喺度，早排都仲係小貓三四隻，依家愈嚟愈多人，投訴完都仲係咁！」劉指有關地點較為隱蔽，擔心聚賭問題蔓延後會變成罪惡溫床，要求部門積極巡查執法。
若罪成隨時囚3月
不過，食環署發言人表示曾派員巡查，但未有發現有人在該處進行賭博活動，已張貼通告，提醒檔戶切勿在該處進行賭博活動，並將有關投訴轉介相關政府部門同步跟進。除上述投訴，該署由去年至今共接獲一宗相關投訴。
警方在本報轉介個案後近一個月始作回覆。發言人表示，警方會密切留意情況及採取適當行動，並強調根據法例，在賭場以外任何場所或在街道上進行賭博，一經定罪可處罰款一萬至三萬元，以及監禁三個月。