網民勁鬧講一套做一套
【本報訊】球迷引頸以待的巴西世界盃，最終香港轉播權由電視廣播有限公司獲得，但只有其中廿二場賽事安排在免費頻道播放，球迷及網民對此即時議論紛紛，有讚有彈。有網民不滿無綫上屆爭取有線給予播放權，但現時取得播映權，「咪又係播得三分一」。
亦有指可增關注度
網民FairyKingPrawn亦說，「講真佢（無綫）咁搞法同有線之前壟斷咗再皇恩浩蕩攞幾場出嚟播有乜分別？」網民黑暗法師說：「上年就死都要抱住亞視話免費電視台無得播，要播就一齊播，依家有着數就自己播晒」；網民gogofeel指：「依家咁既營商環境，唔係好想無線播！真係唔知佢哋點樣插廣告入去！」
不過，亦有大批網民讚賞無綫造就更多免費賽事播放，直言有廿二場賽事觀看心願已足，michaelccc說：「CABLE/NOW投到就肯定得4場免費……，無線播就肯定多過4場，精華/新聞都肯定有，免費台有得播，佢哋會做大個promote，會有氣氛好多，分別好大。」jacksonchan13亦指「tvb有得播可以有多啲人留意。」