新聞故事：有錢途「唔怕死」新一代爭做禮儀師

殯儀業從前是令人「聽而生畏」的冷門行業，但近年突然吃香，不少機構開設殯儀及禮儀師課程。八十後少女陳灝婷對死亡充滿好奇，故報讀相關課程，並學會喪禮程序、相關法律問題及不同宗教的喪禮習俗等，畢業後到一間福利機構任職。她指初接觸禮儀師工作時，內心都有點怯：「其實驚都係因為唔認識，依家接觸耐咗，就唔怕啦。」

「為佢哋服務好有意義」

現職禮儀師的鄺嘉欣，主要職責是統籌葬禮順利進行，最深刻一次是放於靈堂的花牌寫錯名：「我嘅工作係要負責葬禮嘅所有嘢，包括訂花牌，點知有次寫錯咗個名！呢啲真係要好小心。」一年前閱讀有關殯儀業的書後報讀課程，而且愈讀愈感興趣，誓要闖出名堂。擁有半年禮儀師經驗的她，無悔入行：「人始終有一死，為佢哋服務係好有意義。」

現職禮儀師的鄺嘉欣，透過報讀相關課程入行。	吳耀棠指現時辦喪事儀式趨簡約。	禮儀師主要職責是統籌葬禮順利進行。

「浸過鹹水」的大學生亦成為生力軍，廿二歲的盧先生在外地修讀工商管理課程，回港第一件事就是到殯儀館做「學師仔」：「家族係從事殯儀業，自細都有聽屋企人講呢行，覺得幾有興趣，所以就入行。」剛入行的他，學習各式儀式及禮教：「呢啲唔可以錯，客人已經有家人離世，如果仲做錯，佢哋個心會好唔舒服。」

林珈希指近年很多八、九十後年輕人有興趣加入殯儀行業。	年輕人點睇 廖先生（劇場工作者）：「之前睇過關於禮儀師嘅電影，覺得葬禮好有意義，亦唔反感，所以都有興趣入行。」	黃小姐（教育界）：「雖然人工唔錯，但唔會考慮，因為唔係自己鍾意，而且做其他行業都可以搵到呢個人工。」

生意好 月入可達數萬

「五年前本港已經開辦殯儀、禮儀師課程，仲有好多年輕人報讀。」環保生命有限公司總幹事林珈希指出，近年很多八、九十後年輕人報讀課程。她指現時本地有一百間殮葬商，估計行內約有一萬至二萬名禮儀師，當中近千人屬年輕一輩。禮儀師實質是喪禮統籌，主要靠自己搵生意，若生意好，月入可高達數萬元。香港殯葬專業人員協會主席程廣寧亦指，現時行內老化情況嚴重，平均年齡近五十歲，相關課程有助吸納新血，為殯葬行業帶來新動力。

圖／文：專案組