渡海濠情:囡囡流口水望嫁富二代

最近三亞搞咗個高消費品展覽會,吸引咗唔少內地富豪到場,為咗招呼呢批老闆,據講事前招募咗大批囡囡,日間充當模特兒,到咗晚上就成為三陪女郎。嚟自9號會所嘅靚女Ada,話有啲咁筍嘅工都想去碰吓運氣喎。

甘做小三

Ada話:「據講呢個展覽賣嘅全部都係高消費品,唔係私人飛機就係豪華遊艇,嚟親嘅大老闆,個個身家都億億聲以上,你話有幸陪佢哋玩,單係打賞都天文數字,而且隨時一個唔覺意,畀佢哋睇中咗我做埋小三,咁就發達啦!」你唔怕男朋友呷醋咩?Ada話:「如果畀我撞到個大老闆,啲二三流哎吔男友,全部將佢哋踢晒去大西洋,何況我最近甩咗拖,家陣一個男朋友都冇,所以對我嚟講絕對冇問題。」Ada咁靚女,相信去到三亞一定搵到食。

嫁入豪門

Ada話:「唔怕話你知,我收到風今次展覽嚟嘅都係富二代,佢哋身家大把,但就冇乜見過世面,我只要落多兩錢肉緊,話唔定唔使做阿三,直情嫁入豪門做少奶奶添。」唔知Ada有乜嘢必殺技呢?Ada話:「第一樣子吸引,第二身材出眾,第三言談得體,第四床技精湛,第五就係七情上面,扮乜似乜,畀我遇到呢啲富二代,我一於演技搭夠,佢要豪放就扮豪放,佢要純情就扮純情,相信一兩天內,絕對飛唔出我嘅手指罅。」係咪咁勁呀?

Ada Profile  

年齡:21歲

三圍:34-23-34

撰文:小德

攝影:阿程