違泊貨物亂擺 逼人走出馬路
「嗰條明明係行人路，但就變咗貨倉兼停車場，搞到我成日要行出馬路！」李先生平日上、下班都會途經葵涌禾塘咀街，發現上址長期有車輛在行人路上停泊，又有貨物阻塞通道，令行人舉步維艱，「有時佢啲貨車會泊番入貨倉，但車頭就凸晒出嚟，足足阻咗半條街！」
警方發言人稱，過去一年曾接獲十三宗相關投訴，每次均有票控違例停泊車輛或向司機作出口頭警告，並要求貨主盡快將貨物搬離行人路。
發言人強調，已聯同食物環境衞生署於上址進行街道管理行動，過去兩個月已向違泊車輛發出一百一十張定額罰款通知書及廿一次口頭警告，並就貨物阻街作出四十三次檢控。
「淨係兩個月都有咁多檢控，就知問題有幾嚴重！」李先生證實經本報轉介後情況已見改善，但仍要求警方繼續加強巡邏，確保行人路暢通。
讀者爆料 ireport_00032682