粒粒顯關懷 食在口甜在心

食在口，甜在心。雖然吃的只是一碗白飯，每口飯卻代表着善長的關心，令長者既可果腹，更可飽嘗關懷，足以甜在心頭。耆康會荃灣長者地區中心為贈米計劃受惠機構之一，年屆八旬的何發與妻子馮珠聯在採訪當日接獲贈米後，即笑不攏嘴地指每月派米日帶着這份充滿愛心的禮物回家時，總有滿載而歸的感覺。發伯伯與妻子結婚多年仍恩愛如昔，經常一同前往中心與其他「老友記」閒話家常。

盼善長繼續慷慨支持

與妻子僅靠綜援生活的發伯伯坦言，近年米價只升不降，幸獲基金每月送贈白米，為兩老大大紓緩經濟壓力。發嫂更說：「多得基金同善長咁關懷我哋呢啲老人家，等我哋唔使自己去買米咁操勞，真係好多謝！」發嫂更笑指：「阿發佢連飯焦都食埋，就知佢幾咁鍾意食飯！」兩老談及米飯家常事即滔滔不絕，與記者說了半天。

至於另外兩位「老友記」，七十八歲的陳潤桃與七十六歲的李蘭同樣經常結伴參與中心活動。「依家啲嘢真係貴得好犀利，好似新鮮魚同雪藏魚咁，價錢可以相差幾倍！」獨居並依靠綜援生活的桃姐坦言，不時會買兩條雪藏魚分三餐吃，盡量節省生活費，「好彩有呢個贈米嘅計劃，真係幫到我慳番唔少。一包米就夠晒我食一個月，真係好多謝！」蘭姨與丈夫亦為綜援受助人，蘭姨直言近年每次走到街市買餸時便深刻感受到經濟壓力，「物價係咁加，要睇餸食飯。慳番啲買米錢，有時仲可以煲啖湯飲！」

中心主任鄒家豪指贈米計劃饒富意義，對清貧長者生活帶來支援力量，有助減省開支，「個計劃好幫到老人家，希望善長多啲支持！」

捐款編號：16333

記者：徐少琴