向來鐘意周圍影雀嘅「貪曾」前特首曾蔭權爵士，早前接受內地男士雜誌訪問時大談退休生活，講得興起時突然自爆濫用特權，試過經特別批准、坐特別船隻去一啲平常人唔可以隨便進出嘅濕地影黑臉琵鷺。不過，漁農自然護理署話冇安排特殊船隻畀佢，只係派專家陪同佢去米埔影相，警方亦話冇收過任何貪曾到禁區嘅申請。
如果警方同漁護署講法屬實，咁一係貪曾坐非法船隻硬闖米埔影雀，否則就係佢幻想自己坐船遊覽后海灣，但貪曾講到似層層，又話影到黑臉琵鷺，照計好難幻想得咁真實，除非佢係平時見慣老婆「黑臉」，陰霾不散下，夜晚發夢突然幻想喺濕地見到黑臉琵鷺啦！
