政情：葉楚航fb粉絲成群
在華人練馬師之中，名聲最大要數葉楚航。葉楚航於○二至○三季度獲發練馬師牌照，每季均能勝出逾三十場頭馬，上季更以五十場頭馬於成績榜居第四，今季至今已勝出三十五場賽事，係排名最高的本地練馬師。後日沙田舉行嘅香港打吡大賽，佢將會派出「軍功」爭奪殊榮。
葉楚航十四歲出道，由見習騎師、騎師、副練馬師到練馬師，在馬圈打滾三十年，馬迷「粉絲」無數，喺街上爭相搵佢簽名。
佢醉心練馬，同時酷愛facebook（fb）社交網站，每次賽事完畢之後，隨即將有關資料放上網，而佢嘅fb「粉絲」早已超出咗五千個名額上限，所以計劃短期之內開設相關群組，同更多馬迷分享心得。
唔反對細仔入行
虎父無犬子，葉楚航有兩個仔，十九歲大仔在英國讀書，對父親的職業不感興趣，反而現年十四歲細仔，對世界各地馬匹資料及賽事甚有研究，經常同父親討論。
佢話：「細仔自小在網上獲取有關資料，對日本賽事研究尤其精湛，經常拎來同我討論，知識唔比我少，我唔反對細仔入我嗰行，更希望佢順利完成學業。」