香港歌手傅穎（Teresa）涉足政壇，上京講國防？話說外交部副部長傅瑩喺第十二屆全國人大一次會議主席團上，獲選為副秘書長兼首位女新聞發言人，並就中國國防開支、人大釋法等範疇回應記者提問。正當中港媒體都引用傅瑩回應發布即時新聞時，深受內地人歡迎嘅騰訊新聞竟出現手民之誤，誤將傅瑩寫成「傅穎」，頓時將兩個大纜都扯唔埋嘅傅小姐混為一談，搞出一場笑話。我哋隔幾個鐘後翻睇網站，發現傅穎依然「代表」傅瑩，唔知兩位傅小姐睇到報道應該好嬲定好笑呢？
（互聯網）
