中環出更：羅詠詩 周沁 運動兼開會
時下女性除咗要兼顧家庭同繁重嘅事業外，仲要分配時間做運動嚟維持健康生活。話說年初七「人日」早上，卓妮竟然喺西九龍海濱長廊見到香港青年聯會賢慧社主席羅詠詩（Anthea）同副主席周沁（Dorothy）呢兩位靚女，佢哋着晒運動裝，沿住海邊嘅跑步徑跑步，當係農曆新年行大運。
周將接任主席
Anthea話，運動係美容嘅靈丹妙藥，有益身心之餘，仲可以增進友誼，所以佢成日都約埋Dorothy一齊練跑，唔怪得兩人經常都咁容光煥發喇！有時佢哋運動過後，仲會順便去歎番個brunch（早午餐），享受一下假日嘅休閒，兼商討吓賢慧社嘅會務發展，一舉兩得。賢慧社將於年中換屆，Dorothy會接棒做主席，Anthea笑言，一定會瞓身支持好姊妹喎。