香港數碼廣播（dbc）喺鄭經翰（煲呔針）領導下搞到一鑊粥，不但被通訊事務管理局暫時吊銷牌照，更先後被員工透過勞資審裁處追討欠薪，真係冇陰功。如果大家有留意嘅話，曾發生過職員追薪，事前係冇簽訂僱傭合約。話時話，好多無良僱主側側膊唔同僱員訂立僱傭合約，目的都係為咗慳番員工嘅福利開支，更離譜甚至「走糧」，其實員工都係靠腦力同勞力賺取酬勞，點解啲僱主可以咁無良唔出糧嘅呢？
