伍女士早前陪同母親到瑪麗醫院眼科覆診，但等候近四句鐘仍未獲醫生接見，「原來有個病人睇咗成大半個鐘醫生，要在場嘅病人一齊鼓譟，醫院先安排其他醫生落嚟幫手，完全唔識應變！」伍指當時候診大堂擠滿滯留病人，不滿院方未有隨機應變，連累其他病人苦等數小時。
醫管局發言人解釋，當日有一名病人眼睛發炎，鑑於病情較嚴重及複雜，醫生需要即時為該病人進行較詳細檢查，並諮詢另一名醫生意見，故令其他病人需輪候較長時間。發言人強調，該院已採取即時措施，安排其他當值醫生協助診治尚在等候的病人，以縮短病人輪候時間，該院就此而引起病人不便致歉。
「如果嗰日唔係咁多病人一齊嘈，佢哋（院方）根本唔會主動安排其他醫生幫手睇症！」伍女士不滿院方處事過分僵化兼欠缺彈性，強烈要求院方作實際改善，而非道歉了事。