政情：收料站：「縱橫人」敗家女返工擺款

下午四點先露面

話說「縱橫人」近年做生意外，對名譽都有幻想，雖說言行循規蹈矩，但一言一行無形中影響咗下一代都唔知。據聞「縱橫人」一直對愛女悉心栽培，所以安排愛女加入旗下公司做高層，殊不知愛女未學行先學走，一上位就擺高層款，竟然每日返工時間係下午四點幾鐘，然後就簽支票同拎自己嘅零用錢，跟住留個多小時就拍拍屁股鬆人，搞到一班幫「縱橫人」捱生捱死嘅員工心中有氣，但礙於太子女有免死金牌，所以大家都敢怒不敢言。

不過話說回來，查實都唔係個個含住金鎖匙出世嘅「富二代」都咁不堪，有部分都好年輕有為，埋首做好家族生意，甚或係出外打工都盡心盡力，所以唔能夠「一竹篙打一船人」，相信做得好一定會有人讚賞嘅。