林村投新春攤珍姐狠準
姊妹同心，有錢齊齊搵！人稱珍姐的羅麗珍在大埔林村售賣的豆腐花十分出名，亦在村內開設了自家客家菜館，她昨日聯同兩名妹妹參加大埔林村放馬莆新春市場攤位競投，三人合資約四萬元、以「快、狠、準」的手法成功投得四個包括全場最高價及第三高價的相連新春市場攤位，當中兩個更是在她們經營的菜館門前，可謂「食盡地利」。珍姐坦言：「難得咁多人嚟，點都要推介佢哋試吓我哋嘅自家製豆腐花。」
珍姐在家中七兄弟姊妹中排行第三，其中四姊妹十多年來皆會合力經營新春市場。「我哋賣咗十幾年香燭，喺香港都有相熟嘅供應商入貨，唔使走返大陸攞貨。」珍姐相信貨源未受人民幣升值嚴重影響，故未打算為此而大幅加價，而她們經營的檔口以往皆售賣風車、寶牒等過年應節用品，亦會賣米通、茶果等小食。
「畀其他人投咗就唔使做生意」
「如果畀其他人投咗我舖頭門口對住個檔位，一定會用帆布遮住晒，生意就唔使做咯！」為此，她們昨日吼準該兩個相連的檔位，競投時以快速舉手及狠勁出價終投得檔位，當中一個為全場最高價一萬三千元。
另外，以九千一百元投得最近出入口攤位的卜先生稱其位置有利，雖較往年多花二千元才投得攤位，但相信「賺得番」，他準備出售賀年意頭風車、寶牒及米通小食等。
食物環境衞生署昨推出的大埔林村放馬莆新春市場廿八個攤位公開競投，吸引近五十多人參與，承價此起彼落交投氣氛比去年激烈。廿二個乾貨攤位不停有人叫價承價，不少要經近卅口叫價方能承投，乾貨攤位成交價最高分別為一萬三千元、一萬二千六百元及一萬一千元，但六個濕貨攤位並無高價承投，底價一千零四十元，成交價皆不過三千元。