政情：馬逢國食少啲擊退睡魔

馬逢國早前出席一個活動，講起新議會文化，同埋會議特長，如何打退睡魔嘅話題。佢話依家習慣食七分飽，咁就唔會飯氣攻心，佢仲話因為食少咗嘢，個人清減咗唔少，同上次做議員相比，足足輕咗三十磅。馬逢國曾經做過臨時立法會及頭兩屆立法會議員，當時嘅議會文化都唔係咁嘅。

講起議會文化，馬逢國的確好想改變依家嘅議會文化，希望大家互相包容同尊重，以事論事，和而不同。佢仲話，立法會期只得四年，大家應該珍惜青春喎。喺會議廳入面，坐馬逢國左手邊係建制派嘅吳亮星，右邊係反對派嘅范國威，夾喺兩極之間，佢話好希望可以發揮協調作用喎。