路面鐵板噪音勁嚇人
「逢親有大車駛過，塊鐵板就會『嘭嘭』咁聲響，搞到以為撞咗車，真係嚇死人！」吳先生發現，銅鑼灣軒尼詩道近鵝頸橋一段西行線路面早前突然加設一塊鐵板，每當有巴士等重型車輛經過時均會發出巨響，不但產生噪音，亦擔心道路安全會受影響，要求相關部門盡早處理。
路政署發言人解釋，接獲本報轉介後已派員查察，發現該鐵板位處於水務署工程範圍。發言人稱，水務署於今年五月開始，會於晚上進行水管復修工程，並於日間以鐵板覆蓋工地，以開放行車道給公眾使用，有關工程現已完成。
「一同《東方》投訴完，轉個頭就整番好啦，啲部門做嘢真係唔掂！」吳先生建議政府部門日後須加緊巡查，並妥善管理道路設施，保障道路使用者安全。