渡海濠情：自製化妝品 囡囡靚到震

吃盡苦頭

童童話：「我小時比較男仔性格，所以打扮嘅嘢，從來都冇興趣，但由於我屋企一屋都係女人，佢哋閒來無事，就聚埋分享打扮心得，所以耳濡目染，我細個都知道好多扮靚之道，而且學識唔少又有效果又便宜嘅偏方，最重要係唔使搵命嚟博。」咁童童有冇照住嚟扮靚呢？童童話：「出嚟做嘢之後，發覺太過男性化，令自己吃咗唔少苦頭，於是咬實牙關，改變形象，以女性化示人，果然人生輕鬆好多，自此就用小時候聽番嚟嘅偏方去打扮同保養。」童童靚得咁交關，原來有此原因。

民間智慧

童童話：「我讀書時身邊圍埋大堆男生，我哋一齊吃喝玩樂，但就冇一個追我，仲以為自己姻緣運好差，點知後嚟轉咗女性化後，大把人爭住追我，淨係應付啲狂蜂浪蝶，都搞到疲於奔命。」童童咁靚女，冇人追就奇怪！再問吓佢用乜嘢方法搞到自己咁靚呢？童童話：「其實好簡單，而且好多都係自製，例如蛋白加蜂蜜敷面、自製珍珠膏等，好多都係民間智慧，而且又平又安全，咪睇我明星咁靚女，但每個月嘅美容開支，只係幾百蚊咋！」童童果然係個知慳識儉嘅女仔。

放大圖片	童童自小聽埋唔少扮靚心得，家陣運用自如。

童童Profile

年齡：22歲

三圍：34.5-24-35

撰文：小德

攝影：阿德