「由七月開始個個星期都停一次鹹水，八月仲停足半個月，真係好滋擾！」幸福邨福日樓居民鄧先生表示，近月單位鹹水頻頻暫停供應，對家人造成極大困擾，曾多次要求房屋署改善，僅獲覆停供鹹水原因眾多，暫停供應問題並無解決，「爆喉、機器壞、泵水出問題，咩原因都有，咁到底幾時整番好晒？」
幸福邨物業服務辦事處發言人承認，福日樓於七月至八月期間，曾六度暫停鹹水供應，原因包括水務署供水故障、住戶自行更換坐廁、閘掣及四次鹹水供應系統維修，強調已於大堂張貼通告通知住戶有關停供鹹水安排。
「話咗全面更換，就不如一次過快啲搞掂佢，唔好成日要搞到停水嚟就個工程！」當區區議員覃德誠指出，幸福邨入伙至今已將近十二年，喉管開始老化，房署雖準備全面更換喉管，惟更換工程卻非全面進行，反而對居民構成滋擾，要求該署盡快完成工程。