政情：大舞台：拖慢長者受惠 林煥光：市民會追究

政府推出長者生活津貼每月二千二百元計劃，但堅持唔會取消長者資產審查或提升資產上限，令個別政黨考慮投棄權票或反對票。行政會議召集人林煥光尋日接受電視節目訪問時話，睇過晒咁多方法，用番目前大家熟悉嘅界線，以行政上即刻分發二千二百元予長者，係一個便民方案。佢仲警告話，如果有政黨想政府慷慨取消長者資產審查，或流入意氣之爭，因而拖慢長者受惠，市民自然會追究邊個要為此負責。