政情：胡漢清江希文甜蜜閃婚
資深大律師胡漢清宣布同藝人江希文閃電結婚。雙方拍拖僅半年，但四十三歲嘅江希文已認定對方係「Mr.Right」，願意下嫁成為胡太。希文家姐江欣燕知悉婚訊後都戥細妹開心，坦言早當胡漢清係妹夫。
星海浮沉，近年定居廣州嘅藝人江希文，終於找到真愛，決定與胡大狀結婚。我哋尋日致電恭賀女方，蜜運中的希文提起婚事就哈哈大笑，盛讚胡大狀好細心，又話係時間同緣分令兩人走埋一齊。兩人稍後將舉行訂婚派對，睇嚟胡大狀對呢段感情相當認真。
胡大狀九二年與著名時裝設計師張天愛離婚，九九年再與名模余慧敏結婚，育有一子一女，可惜兩人○八年傳出婚變。但希文直言唔介意男方多次結婚。至於會否生BB，佢就話順其自然喇。