現時港府解決雙非問題除咗用行政手段之外，仲研究透過本地法律去解決。不過，基本法委員會副主任梁愛詩尋日出席一個講座時話，由法院從普通法上解決雙非問題未必有保證，加上若完全按照普通法去解釋《基本法》，可能會出現謬誤，所以唯一較有把握嘅就係特首按《基本法》第四十八條提交報告，要求人大常委會釋法。佢又話，本港嘅普通法與內地嘅法制有衝突，釋法係兩個制度之間嘅橋樑。
