鐵鏈擊斷骨 水警頂硬上

「小朋友叫我哋加油」

李偉謙及兩名同袍接報後五分鐘已到場，當時「南丫IV」船身已垂直插海，三人隨即登船與消防一起救人，期間上方突有一米乘一米船錨跌下，幸而快艇駕駛員大喊「閃開」，三人才避過一劫，不過，同僚「康B」楊銘康卻遭連着的鐵鏈擊中，背肋骨骨折、被壓至跪低亦令右邊膝蓋骨受傷。

康B卅一歲，加入警隊六年一直守水警。李憶述康B一直沒透露傷勢，直至自己叫康B幫手救人，康B才指「我用唔到力，隻腳郁唔到」。李偉謙自己亦遭掉下的鋼梯擊中右邊頭頂及遭玻璃割傷手，餘下一名同僚扭傷腰部，但仍不顧傷勢繼續救人。他感激市民鼓勵：「（現場）有小朋友叫我哋加油，去救多啲人！呢啲係我哋嘅動力，受咗傷都唔覺得痛！」據知康B及後被送往廣華醫院救治，現仍在浸會醫院留醫。

律敦治醫院醫管局急症科專科護士林啟昌則透露，當晚接收了廿五名病人，當晚處理的最後兩名傷者就是李偉謙等兩人，因兩人「救晒啲人先至嚟」，感到慘劇當中仍有令人感動的小插曲。多支救援隊伍亦功不可沒，飛行服務隊第一波已協助四名傷者空路送院，是次行動亦是該隊有史以來時間最長一次；醫管局醫護人員夠鐘休班但「全部唔走」、有人「放大假都返嚟救人」；醫療輔助隊、聖約翰救傷隊志願人士自願留守協助救援運送傷者，盡顯人性光輝。