政情：慢必旅行冇「肉」照分享

選民力量旅行團聽日就會出發，下周三返港。一眾團員都話，選舉實在係太辛苦，點都要搵個機會鬆一鬆。負責人民力量港島區同新界東選舉工作嘅林雨陽笑言，所有行程都係由袁彌明安排，佢嘅唯一要求就係有充足時間瞓覺。

如果有人期望睇到候任「出櫃」議員慢必嘅泳褲照，可能會大失所望，因為佢嫌自己有肚腩，唔會公開呢類「肉」照喎。劉嘉鴻尋日又話，佢哋針對民主黨嘅票債票償運動經已完結，未來會思考點樣透過立法會嘅平台，加強群眾運動嘅組織同動員能力，擴大人力喺社會嘅影響力。