水管成日爆 居民愁爆

「舊年開始，幾乎每個月都停一次鹹水，近呢幾個月仲誇張，差唔多每個月最少停兩次，啲鹹水管到底有冇爆得咁密？」居於白田邨十三座的黃先生指出，已多次要求房署跟進爆鹹水喉問題，惜情況非但未有改善，斷水次數更是有增無減，每次管理處張貼的「暫停鹹水供應」通告皆未有訂明竣工日期，居民對鹹水復供日期只能望天打卦。

三個月停水九次

當區區議員吳美認為，邨內近期鹹水頻頻斷供，與水管老化、房署及水務署工程不無關係，更指早前曾有水管爆裂引致地陷事件，獲悉房署會在二○一五年更新邨內地底鹹水系統後，坦言對該署安排大表不滿，「白田邨舊式公屋雖然話會拆卸重建，但最後一批居民要喺二○二二年先搬走，房署橫掂都諗住換，點解唔提早啲？」

水務署在白田邨內進行水管更換及修復工程，被指影響邨內鹹水供應。	白田邨	居民苦水 黃先生：「我住喺舊嗰幾幢，呢幾個月成日停鹹水，真係好唔方便！」

房署發言人證實，由今年五月至七月期間，白田邨十三座先後有九次鹹水停供紀錄，其中五次與地底鹹水喉爆裂、街喉爆裂及緊急維修鹹水喉供水系統有關，暫停供水事件影響遍及全邨，但強調大部分均在兩、三天內恢復供水，其餘三次則因個別住戶維修鹹水系統所致，另一次則為更換總鹹水缸零件。

區先生：「成日都用食水沖廁要交多啲水費，加重咗老人家嘅經濟負擔！」

張女士：「近排真係停得好密，要用水桶裝水沖廁好麻煩！」

發言人又說，當局於去年底為邨內四十層高的新式大廈加裝鹹水分掣，以減低個別單位於室內維修鹹水系統影響全幢大廈；至於八座七至十五層高的舊式大廈雖已列入重建計劃，但亦計劃於二○一五年更換不受重建計劃影響範圍的地底鹹水系統。

議員批「拖到重建」

水務署發言人承認，白田邨暫停鹹水供應與水管老化有關，但當中亦有涉及更換及修復水管工程，強調事故發生後，已盡力將受影響範圍縮小及盡早完成搶修工程，今年共接獲三宗有關投訴。

「房署根本就冇心做，諗住拖拖下，拖到重建就直情唔使整添！」公屋聯會主席王坤狠批房署以「擠牙膏」方式回應市民訴求，反映該署不願增加每年維修及更新項目等開支，由於鹹水供應關係居民切身需要，促當局正視居民需要，盡快開展應有工程。

記者：黃芷君