渡海濠情：夜蒲囡囡千祈咪飲醉
喜愛夜蒲嘅女生，如果不勝酒力，就會變成醉貓，醉倒街頭，台灣稱專責執呢啲囡囡嘅男生做「執屍大隊」，遇上佢哋，囡囡都會凶多吉少，而嚟自至尊桑拿嘅凱莉就奉勸大家，如要夜蒲，真係咪飲咁多，否則後果嚴重。
認真瘀爆
凱莉十六七歲開始，就喜歡夜蒲，呢方面嘅經驗十分豐富。凱莉話：「原本去夜場玩，係希望結識一啲帥哥或者富二代，我哋通常都會以性感衣着赴會，有時真係會遇上，但好視乎你好唔好酒量，因為夜蒲少不免飲酒，而且乜嘢酒都飲，一撞酒嘅話，九成都會不省人事，有啲帥哥為免麻煩，都會唔理飲醉酒嘅囡囡，於是嗰啲『執屍』隊員就會出手，第二朝起身，完全唔記得發生乜嘢事，最瘀仲係以為同帥哥一齊，下次見面一問，人哋話冇真係瘀爆。」
被人丟低
叫多幾個朋友去玩會唔會好啲呢？凱莉話：「啲朋友有時都係信唔過，有次我哋四個女仔一齊去夜店玩，話明要互相照應，點知四個都一齊醉晒，最後第二朝瞓醒，四個光脫脫喺酒店房裏面。」留低一兩個飲少啲得唔得呢？凱莉話：「一講仲把火，有次兩個人去玩，我識到個有錢仔，可惜唔夠佢劈，搞到不省人事，個有錢仔竟然叫我朋友去佢屋企玩，佢真係丟低我唔理，就同佢返屋企，事後仲做埋人哋女朋友，你話老友係咪信唔過呢？」所以凱莉話都係飲少啲為妙，大家記住啦！
凱莉Profile
年齡：21歲
三圍：35-24-35
撰文：小德
攝影：阿程