中環出更：胡炎松熱講盂蘭勝會

Liza啱啱冧莊做多屆吸煙與健康委員會主席，卓妮問佢有冇再建議政府加煙稅，靚女笑稱：「要睇吓高永文（食物及衞生局局長）點做喇！」Liza同高永文都係潮州「家己冷」，兩位老友以後仲多咗一層工作關係。Liza話，除咗加煙稅仲有好多嘢要做，例如修改法例增加場地管理人嘅責任，唔可以只係勸諭咁簡單。佢又話，煙盒應實行「全煙害警示包裝」，追上國際步伐，希望將十五歲以上嘅吸煙人口降至單位數。