政情：徐英偉北上讀書 拜拜官場

本身係民建聯成員嘅Caspar，○八年獲黨推薦加入政府做政助，外界對佢嘅工作口碑都唔錯，但Caspar無因而忘本，懂得飲水思源，七一離開政府陪咗太太出外旅行兩個禮拜後，隨即返港以「義工」身份幫手助選，又表明黨內只要邊張名單開到聲，佢都會義不容辭去幫手到投票當日喎。

至於立法會選舉後又有乜動向呢？Caspar自爆喺上月收到上海復旦大學通知，下月十日入讀國際關係與公共行政學院博士課程喎。佢又話，自己喺首個學期會讀多啲學分，希望可以快啲讀完返港陪太太同囝囝喎。