【本報訊】五十三歲謝偉聰從事的士司機三十多年,今年七月起,他向車行租用新款、較大型的石油氣「豪華的士」,成本雖微升,但生意額同時大增兩至三成,認為反映市場需求,政府應研究措施,引入更多類型的士。
謝解釋生意上升,主要因為「機場客」增加,「個車尾箱體積大咗,擺到七至八件行李,多過普通的士擺得三至四件,有客喺街見到我架的士上印住個電話,直接打嚟問可唔可以預約去機場。」新的士除了大受往返機場的乘客歡迎,長者是另一個重要客源,「車籠高啲,方便老人家唔使踎低上落車。」他又指座位更舒適、「冇咁硬」,趟門安全性高,亦是吸引乘客乘坐的原因。
生意升,經營成本同時上升。謝指因「豪華的士」日租約六百九十元,較普通的士貴約半成,且由於其馬力較普通的士大,入氣成本因而增約兩成。不過他指其所屬車行購入兩部同款的士不愁沒租客,「多咗嘅生意額抵銷番多出嘅成本,依家日日都有司機租。」
人人做記者 爆料方法 : | 爆料熱線: | (852) 3600 3600 | 電 郵: | news@opg.com.hk | 網上爆料 |
傳 真: | (852) 3600 8800 | 手機網站: | m.on.cc | ||
SMS: | (852) 6500 6500 | MMS: | ireport@on.cc |