得個靚仔樣有乜用？基斯坦奴朗拿度（C朗）差點累死葡萄牙！周四凌晨歐國盃B組賽事，葡軍王牌C朗演出極度差劣，竟然浪費兩次單刀機會，若非最終3比2擊敗丹麥，C朗已斷送國家隊出線機會。賽後除領隊保羅賓圖插C朗欠缺效率外，國內傳媒更口誅筆伐，高呼葡軍不需C朗，甚至提議他去見心理醫生。
C朗於球會及商場上表現勇猛，但為葡萄牙披甲的表現卻不成正比。歐國盃B組次輪賽事，葡萄牙面對丹麥被看高一線，但C朗身為隊長卻未有交出表現，多次起腳射門效果均強差人意；下半場兩番獲得單刀機會，第一次射得太正被救出，第二次埋門更連門框都不中，把握力比不少三線前鋒更差。葡萄牙一直只能領先2比1，丹麥於80分鐘一度追成2比2，幸好後備射手施維斯達華利拿於完場前3分鐘建功，葡軍才不致失分。C朗賽後應要好好多謝施維斯達華利拿，因若葡軍今仗打和，兩場分組賽僅得一分，大有機會不能晉身八強。
C朗於大賽演出每每令人失望，不計本屆賽事，由06年開始他參加過兩次世界盃、一次歐國盃，每屆只能入得一球，球隊亦因他表現不濟而早早出局，難怪今仗賽後，葡國傳媒對他口誅筆伐，「C朗連番錯失機會，葡萄牙贏波但與他無關」、「我們要多謝施維斯達華利拿，而非C朗」等俯拾皆是。
而國內著名專欄作家般奴比亞，更直接叫C朗見心理醫生：「他每次踢大賽都非常緊張，太想獲勝、入波，反而令他愈踢愈差。他實在需要見心理醫生。」領隊保羅賓圖亦明讚實踩：「他是個好球員，但於大賽卻經常沒有效率。」
本報綜合報道