- on.cc 東方互動主頁
- 4月2日 (三)
佔領行動無了期，繼自由黨立法會議員田北俊因為叫特首考慮辭職而搞到被褫奪政協委員資格後，尋日又輪到同田少友好嘅工業界議員林大輝出事。話說大輝喺立法會辯論發言尾聲時，竟然稱呼立法會主席曾鈺成做「特首」，當佢發現叫錯後，就笑笑口咁同曾鈺成講「對唔住，我衝口而出，從個心衝口而出」，又死撐話絕對冇「兜」番，希望對方唔好介意喎，有冇心咁講就真係佢自己至知喇！
大輝講錯嘢後，曾鈺成就全程再冇理過大輝，唔知係咪嬲呢？但錯開有條路，幾個鐘之後就輪到新民黨田北辰（田二少）講錯嘢。話說大會之後討論由田二少提出「還學生快樂童年」嘅議員議案，但田二少一發言時就將「快樂童年」講做「快樂老年」，即時引來其他議員訕笑。田二少知道講錯嘢，只好同大家講句「唔好意思，我講得快咗」，之後若無其事咁繼續發言。
卓妮
| 人人做記者 爆料方法 : | 爆料熱線： | (852) 3600 3600 | 電 郵： | news@opg.com.hk | 網上爆料 |
| 傳 真： | (852) 3600 8800 | 手機網站： | m.on.cc | ||
| SMS： | (852) 6500 6500 | MMS： | ireport@on.cc |
