禽流感殺到香港當晚，食物及衞生局局長周一嶽（周一鑊）竟然同一班醫院管理局高層開船P，令抗疫領導「真空」。尋日周一鑊出席天水圍（天業路）社區健康中心開幕禮時仲死撐話，當晚啲醫管局高層「齊晒腳」，反而大家做決定應變快捷咗，唔使逐個打電話通知咁話。佢唔講真係唔知原來可以方便成咁，唔怪得佢哎吔大佬貪曾都咁鍾意上富豪遊艇「慢慢傾」喇！
