朱先生 對曾特首真係「痛心疾首」。過去七年唔知佢做過乜嘢，喺度hea，搞埋啲咁嘅嘢。真係要諗吓有咩方法令佢受法律制裁，告唔到都要佢名譽掃地。
黃先生 曾蔭權呢個人人格有啲問題。上台時話自己係香港仔，咁啫係話香港仔好似佢咁，貪小便宜、貪威識食、卸膊縮骨！要佢嘔番啲公帑出嚟兼道歉！
鄧先生 有乜理由曾蔭權住一次比一次貴嘅酒店。佢用盡你啲公帑，係厚顏無恥、有恃無恐。
劉先生 上任時佢話「我要做好呢份工」，其實就係「我要歎好呢份工」，好影響香港嘅聲譽，我要求下屆政府要查一查呢件事，以挽回聲譽。
關先生 我哋咁辛苦做嘢納稅，畀佢咁肆意揮霍，真係好傷心、感到好難過，見到咁嘅人真係影衰好多公務員。
張先生 佢住咁貴嘅套房，有冇諗下住劏房、板間房、執紙皮嘅阿公阿婆，嗰啲人住緊啲咩呀。你咁大花筒法，不如搵嗰啲錢，去幫吓呢啲人。
譚先生 真係人神共憤！佢作為特首吸咗我哋咁多血，應該要佢申報利益，應該資產審查埋佢太太、兄弟姐妹同仔女。
陳小姐 今年佢喺得番嗰半年多的任期，仲係咪有需要去旅遊公幹？之後都唔係佢去跟進，點解要花咁多錢去做啲咁嘅嘢。