阿心車禍重創善款解家困
勤奮婦人梁要心月前趕往開工途中，於荃灣沙咀道橫過馬路時遭小巴撞倒致頭部重創，情況一度危殆。一直擔心妻子安危的張福庭終日陪伴在側，幸獲僱主體諒准許暫時停工照顧妻子，但家庭經濟卻因手停口停而頓陷困境，正攻讀文憑課程的女兒亦擬輟學搵工養家。意外發生後不少善長主動捐助，至今獲善款逾兩萬元，東方日報慈善基金將悉數轉交，以解張家燃眉之困。
阿心於六年前與女兒文琪由內地來港跟丈夫團聚後，即在食肆覓得洗碗工作，與當跟車工人的阿庭分別賺取約六千元，夫婦二人每月便以一萬多元維持三口之家的生活。由於獨女文琪正攻讀文憑課程，家人一直慳儉過活，三人蝸居在只有一百呎的劏房。六年來，阿心除了更換身份證便從未走出荃灣區，一家人亦甚少外出消費，唯一娛樂是留在家中欣賞滿布「雪花」的電視節目，自車禍發生後，張家即受愁雲慘霧所罩。
女擬輟學搵工養家
記者探望期間，甫踏入張家只見漆黑一片，阿庭說平日即使在家亦盡量不開燈以減省電費，「冇辦法啦，慳得就慳，唔係你嚟都唔會着燈開風扇！」房內燈泡亮起後，只見約百呎劏房僅有一張碌架床、一張枱，置身其中即使轉身亦十分困難。
阿庭指妻子因為頭部受創，已動過開腦手術清理瘀血，仍需留院觀察，「依家佢唔係好記得嘢，見唔到我哋都會驚，為咗日日去照顧佢搞到返唔到工，完全冇晒收入，淨係搭車去醫院都唔少錢……」
面對家庭經濟拮据，現正修讀文憑課程的女兒文琪決定放棄升讀學士銜接課程，準備投身社會工作，「媽媽好錫我，屋企冇乜錢，但佢一拎到關愛基金嗰六千蚊就買咗部電腦畀我做功課，依家屋企有事，我有責任一齊分擔！」意外發生後，打掃、煮飯及洗衫由文琪一手包辦，「我依家只係做到呢啲，好希望媽媽可以快啲好番！」捐款編號：12266
記者：楊育輝