房署僵化 拒住戶棄裝不適用廚具

黃大仙東匯邨廚具未用已拆

本報近日發現，數十個洗滌盆及灶台，被棄置於東匯邨外停車場旁，該批廚具外表新簇簇，相信是來自剛落成的東匯邨單位。「房署提供嘅嘢唔啱用，所以就拆咗洗滌盆及灶台囉！」住戶陳女士（化名）表示，於在裝修單位時，將廚房的洗滌盆及灶台拆掉。她坦言，很多住戶都會自行拆掉，再安裝「合心水」的設備。

陳女士認為是房署政策僵化，「房署應該喺入伙之前，問吓我哋班居民係咪真係有需要先裝，或者畀多幾個選擇我哋揀，咁就唔使嘥嘢。」

「呢樣嘢講咗好耐o架啦﹗但房署一直都唔肯做。」黃大仙區議會主席李德康狠批，房署以手續繁複為藉口卸責，不願推行「先選擇後安裝」措施，「部分私人屋苑提供『清水樓』，唔會嘥資源，又合乎環保效益。點解私人樓做到，公屋做唔到呢？根本係唔想做。」綠色力量總幹事文志森直斥房署的做法不但浪費資源，且造成廢物污染，縮短現時堆填區的壽命。