政情：周一鑊阻假結婚乏術

阿涂就要求政府為單非BB驗DNA核實生父嘅港人身份，但周一鑊就話，當局無權為呢啲單非BB驗DNA，只會抽查單非父母提交嘅文件，包括港人喺內地結婚前，先要喺香港申請俗稱「寡佬證」嘅無結婚證明書。佢又話，呢啲BB生父係邊個，當局根本無權核實，亦唔可以決定邊個係BB嘅爸爸，因為主動權喺BB嘅媽咪度喎。

不過，單身港男要申請「寡佬證」絕對無難度，為雙非孕婦提供來港產子嘅渠道，反映周一鑊始終未有辦法解決內地孕婦同港人假結婚嘅情況，難怪阿涂尋日就要求佢向全港市民道歉喇。