法院早前再度裁定，社會福利署規定綜援申請人喺申請前必須連續居港一年嘅限制違憲，原來社署已決定唔再上訴，更已經靜雞雞撤銷咗有關限制，而無任何公開宣布。事件尋日被我哋揭發咗之後，社署尋日出稿堅稱，二○一○年六月起因應高等法院原訟法庭的判決，社署已停止執行綜援計劃下連續居港一年嘅規定，之後就無再實施番呢個規定，所以無特別宣布喎。咁鬼祟，呢個政府究竟係唔係有心為人民服務㗎？
