政情：葛珮帆預告自己入立會？

蔡素玉話以往佢教書嘅時候因血壓低而不能捐血，做立法會議員後，血壓就忽然變番正常，仲每年都參加立法會嘅捐血活動添！企喺側邊嘅EQ聽到就即刻話，照咁計法佢應該過幾年後都捐到血喎，即係預告自己入立法會喇！咦？最近明明有傳言話，EQ會轉考副局長，唔會出選新界東㗎。但EQ就笑言政府應該已經夠「新血」，唔使佢加入喎。

而蔡素玉就打算繼續去旅行，今年選舉年一過，佢嘅「旅遊年」即將展開，佢會分別去北極、南極，仲會去埋非洲坦桑尼亞睇動物大遷徙，成個地球上、中、下佢都去齊。