中環出更：張智彥撐用紙有理

電腦化阻礙腦部成長

Human話，用手寫字係可以鍛煉腦部發展，令大腦對字句更為深刻，對小朋友尤為重要。不過，依家智能手機、平板電腦咁普及，小朋友唔再執筆寫字，以鍵盤輸入代替，久而久之會阻礙腦部成長，仲可能會變成智障，聽落真係好恐怖。

對於有人覺得用紙唔環保，Human就話呢個係好大嘅誤解，皆因最優質嘅木材都用作建築，其次用於製造傢俬，剩低嘅劣質木及木碎先至用來造紙，所以係物盡其用至真。況且，紙張可以循環再造，反觀iPad、智能手機得兩三年壽命，拎去堆填區十年都「唔化」，咁仲唔環保喎。