政情：梁君彥寸嘴唔撐自己友

Jeffrey話，私人草案主要係想修改《入境條例》內有關香港永久性居民嘅定義，以及還原九六年基本法籌委會嘅立法原意，即係話雙非嬰兒喺香港出世唔可以享有本港居港權。正當Jeffrey攞住張條例草案副本畀傳媒影相時，佢嘅黨友梁君彥行過，竟然用輕挑同不屑嘅語氣話：「兩張紙就可以解決雙非問題？有無咁易呀？」擺明寸爆Jeffrey嘅行動作用不大。

此情此刻，雖然Jeffrey表面不露聲色，但在場各人都睇得出佢有啲心有不甘，梗係啦，無理由連自己人都唔撐自己嘛。