政情：梁太「何德何能」暗示唔做官？

星期日都有出席梁振英選舉答謝會嘅梁太，今年六月就六十歲，將正式退休離開恒生，自然令人聯想係咪為入閣做好準備。不過，梁太被問及係咪加入政府時竟指「何德何能」，又自言做幾十年銀行唔識得做政府工，退休後亦會去吓旅行喎。立場清晰，釐清咗大家對佢可能加入政府嘅遐想，同佢早前被問及會否加入下任政府時嘅不置可否好唔同。

當問及七月新政府上場後，會否喺新政府總部見到佢時，梁太疑似語帶雙關話可能會，但旋即又話，可以因為公職出入政府喎。