特首選舉今日投票，一直有傳提名咗特首候選人唐英年嘅鄉議局選委，有意轉軚支持梁振英（CY），原本大家以為佢哋尋日開會討論後就會交代投票意向，但點知以主席劉皇發為首嘅鄉紳選委就大玩神秘，聲稱講明投邊個就有違投票保密制度喎。其實有鄉紳選委已私底下承認會投票支持CY，但發叔依然故作神秘，莫非擔心畀人寸佢哋轉軚？抑或難以向唐唐交代呢？
